SIMBA SC YAENDELEZA KUTOA KIPIGO.

Timu ya Simba imefanikiwa kuibuka na ushindi wa goli 1-0 dhidi ya wakata miwa wa Kagera Sugar katika mchezo uliofanyika kwenye dimba la CCM Kambarage mjini Shinyanga.
Katika mchezo huo uliokuwa wa vuta nikuvute, Simba walijipatia goli lao lililofungwa na mshambuliaji kinda machachari Ibrahim Ajibu katika dakika ya 44 ya kipindi cha kwanza.
Ajibu alifunga bao hilo baada ya kumalizia pasi ya kisigino kutoka kwa Hamisi Kiiza aliyepokea pasi ya pembeni kutoka kwa Mwinyi Kazimoto.
Kagera walionekana kujitutumua lakini hata hivyo juhudi zao ziligonga mwamba.
Simba walifanikiwa kupata penati katika dakika ya 82, baada ya mwamuzi Mathew Akrama kuamuru adhabu hiyo kutokana na Ajibu kuangushwa ndani ya eneo la hatari na Juma Jabu, lakini hata hivyo Ibrahim Ajibu alijikuta akikosa baada ya kipa wa Kagera Sugar kupangua mpira huo
Kagera Sugar walipata pigo zaidi baada ya Daudi Jumanne kutolewa kwa kadi nyekundu kwa kumtolea mwamuzi lugha chafu.
Simba inaendelea kushikilia nafasi ya pili mbele ya Azam yenye pointi sawa lakini wekundu wa Msimbazi wakiwa uwiano mzuri zaidi wa mabao ya kufunga na kufungwa.

Share on Google Plus

Mtani

Mshana is Tanzanian blogger who writes different news without bias, He provides social, political and sports as well as Entertainment news happening in all parts around the World."STAY ME ALL THE TIME FOR INSTANT UPDATES.."