MASWALI SABA MAZITO YA MSANDO ALBERTO KWA NAIBU WAZIRI WA AFYA, MAENDELEO YA JAMII , JINSIA, WAZEE NA WATOTO

Mh. Dkt. Kigwangala, Naibu Waziri hebu tujuze;

1. Je kabla ya mtoto Getrude Clement kwenda kuhutubia Umoja wa Mataifa ulikuwa unamjua? Wizara yako ilikuwa inamtambua?

2. Je ulienda kumuaga kabla hajaenda? Ulikuwa unajua anaenda? Au ndio tabia zile zile za kutambua mchango wa mtu baada ya kufa? Wewe umetambua uwezo wake baada ya kurudi!! 3. Je umejua lini kwamba baba yake ni kinyozi na mama yake ni mfanyabishara ndogo ndogo?

4. Sasa kwa nini Foundation yako ndio itamlipia ada ya Form 5 na 6 badala ya Wizara yako?
5. Unasema utampeleka shule ya kisasa kwani mbona kwenye shule ya kata aliyosoma amefikia hapa ulipomkuta? Unadhani kwa nini asiendelee shule ya kata? Wengine waendelee huko kwa nini?

6. Je huyu ni mtoto pekee mwenye kipaji? Wizara yako ina utaratibu gani kuwatambua na kuwaendeleza watoto wenye vipaji? Au ndio Foundation yako itafanya?

7. Hujasema lolote kuwapongeza wazazi wala kuwatia moyo wazazi wengine. Huoni mchango wa wazazi?
Tuache kufanya maamuzi kwa matukio. Hakuna sustainability wala matokeo yenye tija. Ndio maana inaweza kuonekana ni maigizo au kutafuta political mileage.

Tunategemea taarifa rasmi inayojitosheleza kutoka Wizara yako na sio post FB au kwenye social media. Watoto wako wengi. Huyu sio wa kwanza au wa mwisho.

Hongera sana Getrude Clement pamoja na Wazazi wako, Walimu wako na wote waliokusaidia kufikia hapa. Mungu akubariki.

Share on Google Plus

Mtani

Mshana is Tanzanian blogger who writes different news without bias, He provides social, political and sports as well as Entertainment news happening in all parts around the World."STAY ME ALL THE TIME FOR INSTANT UPDATES.."